Tuesday, September 3, 2013

Ek behterr beta,pati,daddy etc. banne ki firaq main


Ek ladka tha. Use kuch nahi aata tha. Uske Maata pita ne use bhot laad se paala. Behen ke paida hne par wo bohot khush hua...yahin se usne hosh sambhala.

Uske Pitaji Army mein the to unka tabadla hota rehte. Wo Maharashtra ke Pune shahar mein paida hua – zahir hai use maloom nahi. Uske baad uske Pitaji ka tabaadla Chandigarh mein hua jahan uski behen janmi.

Phir Kashmir...usne Kashmir mein ghooomna, monkey rope karna aur baraf kya hoti hai, yeh sab dekha. Skiing karne ki bhi koshish ki....par na hui.

Kashmir ke baad Pitaji ka tabaadla Calcutta mein hua. Wahan uske mata pita ne use Restaurants mein khan peena sikhaya aur saari aish-o-araam ki cheezein deen. Maata Pita dhanya hote hain. Wohi sansaar hain

Uske baad weh log Bangalore aye. Bangalore mein use bahot se naukar chaakar mile...jo har kaam karte. Wahan ki lake bahut sunder thi. Khoobb majedar laga use.



Phir uske Pitaji ne nirnay liya ki sab Dilli shahar mein hi bas jaenge, siwayy unke. Weh apna karm karte gaaye aur wo ladka, uski mataji aur behen Dilli mein rehne lage....Pitaji dor chale gaye. Dilli mein us ladke ne padhai ki, likhayi ki, aur anand uthaya. Pitaji chahte the wo  Chartered Accountant bane, par beta humeshan Bollywood actor banna chahta. Par mann mein sada ki wo apne Pitaji ka sapna bhi poora kare. CA na ban saka.

Tabhi use Star TV mein naukri karne ka mauka mila, Hanuman bhakti ke baad. Ummiden jag uthin, wo Star TV mein kaam karne laga, ki shayad yahin se wo apna sapna poora kar sake. Transfer Bombay hua. Bombay mein har sameinn uske dimag mein actor banna rehta to wo theek se kaam na kar paaya. Bohoot der mein thoda sa kaam kar paata. Pitaji ne Bombay jaise mehnge shahar mein bbhi uske rehne ka umda intezaam kiya. Par kaam pe dhyaan na de pane ki wajah se, aur actor banne ka awsar na pane ki wajah se wo bahut niraash hua. Itne niraash ke use dimaag ki bimaari lag gayi. Wo wapas Dilli aa gaya. Yahan uske Pitaji aur maata bahut dukhi ke unke ladke ko kya hua. Pitaji dimag ke doctor ke paas le gaye. Ilaaj shuru. Pitaji ne pehle hi bola tha beta actor banna chahne waale log drugs mein phans jaate hainhayadd chook yahin hui ladke ne unki ye baat na samjhi.

Ab laga dawaiyonn ka dar. Ek ladki se jise wo pyar karta tha, badi dhooom dhaam se shadi rakhwai Pitaji aur Mataji ne. Par achanak, shadi ki subah, wo bathroom mein gire, aur chaar dinoon baad chal base. Ladka aur uska khandaan aur sadmein mein. Par shaadi nahi ruki. Kuch aisi paristhitiyan huuin ki ladke ko apni biwi ke saath ghar chod kar kiraye pe jaana pada. Beti hui, Maa aur Naani joint family mein. Aur ladka aur uski biwi aur beti akhir doosre ghar mein bas gaye.

Wo aaj bhi apni bimaari se lad raha  hai, ab doctor alag hai, Pitaji ka ashirwad saath  hai, aur Mataji ka bhi. Wo ladta rahega....kamyabi ki khoj mein....ek behtar beta, ek behterr pati, bhai, aur baap banne ki firaak mein.  

Regards

Nitesh

No comments:

Post a Comment

Thanks.

Disclaimer           Contact us           Advertise           Help us